არ ვაპირებდი ამ თემაზე რამის დაწერას აქ, მაგრამ არ შემიძლია გავჩუმდე და მადლიერება არ გამოვხატო იმ ადამიანების მიმართ ვინც ჩემი საყვარელი მამიკო რამდენიმე დღის წინ გადამირჩინა. ზოგადად გული ხშირად აწუხებს და ეს სულ გვანერვიულებს, რომ არ აწუხებდეს ალბად ის გამიკვირდებოდა, ამ ადმიანის გულზე იმდენ ტკივილს და დარდს გაუვლია  და გადის, არამარტო ოჯახის, ახლობლების, ნაცნობების თუ უცნობების. ნუ ასეთი ადამიანია, თითქოს მთელი სამყაროს ტკივილებს მის გულში დაუდვია ბინა. ამჯერად ძალიან მაღალი წნევით გადაიყვანეს თელავის ერთ-ერთ კლინიკაში, სადაც მას ჩაუტარდა ოპერაცია და რომ არა ამ კლინიკის ხელმძღვანელობა და მედპერსონალის პროფესიონალიზმი არც მინდა ვიფიქრო რა მოხდებოდა. საბოლოოდ კი წარმატებით ჩაუტარდა გულის სტენტირება „ავთანდილ ყამბარაშვილის კლინიკაში’’. მინდა უღრმესი მადლობა გადავუხადო კლინიკის ხელმძღვანელს ბატონ ავთანდილ ყამბარაშვილს, ექიმებს: ბეგი დუნდუას, ნინო ჩხაიძეს და მთლიან სამედიცინო პერსონალს ყურადღების და მაღალი პროფესიონალიზმისათვის. ჩემ საუკეთესო მეგობარს თამუნა ქონაშვილს პერსონალური მადლობა , ვიცი როგორც საკუთარი მამა ისე განიცადა ეს ამბავი და ყურადღებაც ანალოგიურად  მიაქცია. მადლობა ყველას ყველას და არ შემიძლია ასეთ დროს ნიკა ჩერქეზიშვილის ეს სიტყვები არ გამახსენდეს „ როცა გიჭირს ვინც შენს გვერდითაა ისაა ღმერთი“.