აღსანიშნავი სამედიცინო შემთხვევები

,,ავთანდილ ყამბარაშვილის კლინიკის“ ორთოპედ-ტრავმატოლოგიურ განყოფილებაში შემოყვანილ იქნა 91 წლის მამაკაცი ჩივილებით: 
☛ ტკივილი და მოძრაობის შეზღუდვა მარცხენა მენჯ-ბარძაყის სახსრის არეში. 

☛ ტრავმა მიიღო ეზოში წაქცევის შედეგად. 
☛ პაციენტს 2 წლის წინ მარჯვენა და მარცხენა ბარძაყის ძვლის ყელის მოტეხილობის გამო ჩატარებული ჰქონდა მარცხენა და მარჯვენა მენჯ-ბარძაყის სახსრის ენდოპროტეზირებები „ოსტინ-მურის“ ენდოპროტეზების გამოყენებით. 
✔ კლინიკურ ინსტრუმენტული გამოკვლევების საფუძველზე დაესვა დიაგნოზი: მარცხენა მენჯ-ბარძაყის სახსრის ენდოპროტეზის მექანიკური დაზიანება (გატეხვა) ტრავმის შედეგად.
✔ პაციენტს ჩაუტარდა ლაბორატორიული გამოკვლევები, შეფასდა ანესთეზიოლოგის მიერ და ჩაუტარდა ოპერაცია: მარცხენა მენჯ-ბარძაყის სახსრიდან გატეხილი ენდოპროტეზის ამოღება და მისი ჩანაცვლება მაღალი ხარისხის გერმანული ფირმის უცემენტო რევიზიული ტიპის ენდოპროტეზით.
✔ ოპერაციის მსვლელობის დროს იმისათვის რომ გატეხილი ენდოპროტეზი ამოღებულიყო ბარძაყის ძვლიდან ჩატარდა ბარძაყის ძვლის „პროქსიმალური ოსტეოტომია“ ამოღებულ იქნა გატეხილი ენდოპროტეზი და ცემენტის ნარჩენები, დამუშავდა ბარძაყის ძვლის სანათური რევიზიული ენდოპროტეზის ჩასადგმელად , რის შემდგომაც ბარძაყის ძვალში ჩაყენებულ იქნა რევიზიული უცემენტო ენდოპროტეზი ბიპოლარის ფოსოს გამოყენებით.
✔ ოპერაცია „ავთანდილ ყამბარაშვილის კლინიკის“ ორთოპედ ტრავმატოლოგებმა : ზურაბ ამისულაშვილმა აკაკი ხეჩიაშვილმა და მამუკა ყიზილაშვილმა ჩაატარეს.
✔ოპერაციის შემდგომმა პერიოდმა წარმატებით ჩაიარა, პაციენტის გააქტიურება მეორე დღიდან დაიწყო , ხოლო სიარული ოპერაციიდან მე-3 დღეს. 
✔ პაიენტი მ.ს 91 წლის დამაკმაყოფილებელ მდგომარეობაში გაეწერა ბინაზე .
 

„ავთანდილ ყამბარაშვილის კლინიკაში“ მენჯ-ბარძაყისა და მუხლის სახსრის ენდოპროტეზირებები მაღალი ტექნოლოგიებით, გერმანული და ამერიკული ენდოპროტეზების გამოყენებით სრულდება . 
 

აღსანიშნავია, რომ ზემოაღნიშნული ოპერაციული ჩარევა პაციენტს საყოველთაო ჯანდაცვის პროგრამის ფარგლებში ჩაუტარდა.